Կազմակերպչական փոփոխությունները ներառում են ինչպես դինամիկ հավասարակշռությունը չխախտող (այսինքն՝ տվյալ կառույցի շրջանակներում ծավալվող գործընթացները), այնպես էլ զարգացման գործընթացները, որոնք խախտում են այդ հավասարակշռությունը:
Կազմակերպչական փոփոխությունները կարող են ներառել կազմակերպության բոլոր ենթահամակարգերը բաժինները։ Հարկ է նշել, որ դրանք բոլորը սերտորեն փոխկապակցված են, և ենթահամակարգերից մեկում փոփոխությունները ենթադրում են առնվազն մասնակի փոփոխություններ այլ ոլորտներում ևկարող են ազդել կազմակերպության վրա որպես ամբողջություն:
Փոփոխությունների տեսակներն են՝
- Կազմակերպության վերակազմավորում
Ներառում է կազմակերպության հիմնարար փոփոխություն, որն ազդում է նրա առաքելության և կազմակերպչական մշակույթի վրա: Այս տեսակի փոփոխությունը կարող է տեղի ունենալ, օրինակ, երբ կազմակերպությունը փոխում է իր արդյունաբերությունը, և դրա արտադրանքը և շուկայի դիրքը համապատասխանաբար փոխվում են:
2. Արմատական վերափոխում
Կազմակերպությունը չի փոխում արդյունաբերությունը, բայց միևնույն ժամանակ նրանում տեղի են ունենում արմատական փոփոխություններ, որոնք պայմանավորված են, օրինակ, նրա միաձուլմամբ այլ կազմակերպության հետ։ Այս դեպքում տարբեր մշակույթների միաձուլումը, նոր ապրանքների և նոր շուկաների ի հայտ գալը պահանջում են ուժեղ ներկազմակերպչական փոփոխություններ, հատկապես կազմակերպչական մշակույթի վերաբերյալ:
3. Չափավոր
վերափոխում
Այն իրականացվում է այն դեպքում, երբ կազմակերպությունը շուկա է դուրս գալիս նոր արտադրանքով և փորձում է հաճախորդներին ներգրավել դեպի այն։ Տվյալ դեպքում փոփոխությունները վերաբերում են առաջին հերթին արտադրական գործընթացին, ինչպես նաև շուկայավարմանը։
4. Կանոնավոր փոփոխություններ
Կապված է մարքեթինգային ոլորտում փոխակերպումների իրականացման հետ՝ կազմակերպության արտադրանքի նկատմամբ հետաքրքրությունը պահպանելու համար: Այս փոփոխությունները էական չեն, և դրանց իրականացումը քիչ ազդեցություն ունի ընդհանուր կազմակերպության գործունեության վրա:
5. Անփոփոխ գործողություն
Առաջանում է, երբ կազմակերպությունը հետևողականորեն իրականացնում է նույն ռազմավարությունը: Ռազմավարության այս ներդրմամբ փոփոխություններ չեն պահանջվում, քանի որ որոշակի հանգամանքներում կազմակերպությունը կարող է լավ արդյունքներ ստ անալ՝ հիմնվելով կուտակված փորձի վրա։ Այնուամենայնիվ, այս մոտեցմամբ կարևոր է հստակորեն հետևել արտաքին միջավայրի հնարավոր անցանկալի փոփոխություններին:
Իհարկե, մենք ամբողջությամբ չենք ընդգծի փոփոխությունների հետ կապված մարդու հոգեկանի բոլոր առանձնահատկությունները, բայց արժե առանձնացնել հիմնական 6-ը, որոնք ամենաբնորոշն են մարդ էակին։
Մարդը վարժվում է ամեն ինչին։ Մարդն ունի ադապտացվելու որակ և ուր էլ գնում է, որտեղ էլ հայտնվում է, մի դեպքում շատ, մյուս դեպքում քիչ, բայց հարմարվում է արտաքին աշխարհի փոփոխություններին։
Առաջին տպավորությունը մնում է ընդմիշտ։ Առաջին տպավորությունը հավերժ է հիշվում։ Ինչ աչքերով է մարդդ առաջին անգամ նայում գործընթացին, դա կարծես վճռորոշ է։
Ցանկացած փոփոխություն սթրեսային է: Մարդը վարժվում է ինչ-որ հարմարավետության գոտում ապրելուն, և ցանկացած փոփոխություն նրա համար փոքր ցնցում է։Իսկ փոփոխությունները սթրեսի ենթարկում են մարդուն և էական չէ դրական, թե բացասական։
Բոլոր սովորությունները ձևավորվում են վերևից վար: Վերից վար ասելով ինկատի ունենք առաջնորդից մինչ ենթակա։ Ինչ սովորություններ ունեն ընկերության ղեկավարները, դրանք ընդունվում են ենթակաների կողմից:
Առաջնորդներին կարելի է գտնել ցանկացած թիմում: Թիմն իր որակով կարող է լինել լինել վատը կամ շատ լավը, բայց նրանում միշտ կան մարդիկ, ովքեր բոլորից մի փոքր ավելիի կարիք ունեն: Նրանք ունեն առաջնորդի որակներ և ուզում են խումբն իրենց հետևից տանել ։ Նրանց կարելի է գտնել յուրաքանչյուր խմբում:
Տեղեկությունների մեծ մասը ուղեղ է մտնում տեսողության միջոցով: Մարդու ուղեղը մի նման հատկանիշ ունի, ըստ որի տեսողության շնորհիվ մենք ստանում ենք տեղեկատվության 83%-ը։